Village markets – en Uile

« Vroue wat lees – women reading

Chess and Charlize »

Village markets – en Uile

12/09/2020 by Nikita

Uile en nog meer – Franse goedere / Owls and more from France!

English: lower down in this post.

Nadat ek Christa se inskrywing HIER gelees het en van haar ondervinding in Kazakhstan, het ek besluit om ook ‘n paar foto’s te deel na vandag se besoek aan ons buur-dorpie. Ons het voorheen in die dorpie gebly en gaan ons nog steeds soontoe vir verskeie redes. Ek besoek die haarsalon daar gereeld en sommer ook die oulike kunswinkeltjie en manlief hou van sy hardewarewinkel – en ek moet byvoeg ek myself ook met veral die kuns-goed wat die ou ook verkoop. Een van die helpers is ook ‘n oud-Suid-Afrikaner wat 40 jaar gelede uit SA is as ‘n Engelsprekende Suid-Afrikaner. Ek het baie respek vir die Omie, want hy groet ons altyd in Afrikaans en maak seker ‘n wissel ‘n paar woorde met ons in Afrikaans. Die verbasing op die ander werksmense se gesigte was in die begin redelik komies.

Elke Saterdag is dit markdag en soos jy in die foto’s kan sien, is daar ware van Frankryk en Spanjaardse kos en geregte ook te koop. Ek het vir my hierdie liewe uiltjies gekoop – in die een foto – en ‘n duidelike ‘merci’ gekry nadat ek betaal het. Ek hou van hierdie markdae, dit bring mense bymekaar en daar’s altyd een of ander oulike iets te koop. As dit nie vir manlief was, het ek met ‘n sak oudhede huistoe gekom! Die foto’s wat jy hier sien is slegs van ‘n paar stalletjies. Daar was heelwat meer. Ek het ook nie die groente/vrugte deel afgeneem nie.

This is our neighbouring town’s market on a Saturday. We used to live in this town and I still go back to it for various reasons. I’m sharing a few photos of my most recent visit for a hair cut. Do enjoy!

Posted in Engeland, England | Tagged Afrikaans, Engelse Platteland, English towns, Village markets, Village markte | 22 Comments

22 Responses

on 13/09/2020 at 01:49 Dr Christa van Staden

Dankie, dit is sommer baie lekker om te sien dat daar in ander lande ook markte is. Ons geniet die mark, maar koop selde goed want ons weet nie hoe mens dit weer by die huis gaan kry nie. In Welkom was daar een keer per maand ‘n vlooimark en jou foto’s laat my nou baie daarna verlang.
- on 13/09/2020 at 09:43 Nikita
  
  Al die plattelandse plekkies het ‘n markdag. Sommer op Weeksdae – party. Ek het al voorheen gesien hoe ‘n straat in die middel van die dorp (hier word dit die ‘High Street’ genoem – soortgelyk aan Kerkstraat in SA wat jy in elke dorp (en omtrent stad) kry – afgeblok word vir die dag en dan kom almal met hulle ware uit om te verkoop. Dis vir my oulik en dit gebeur elke week. Ek sal volgende keer aan die groente- en vrugte deel gaan afneem. Ons het baie daar gekoop toe ons in die dorpie (Chesham) gebly het. Dit is baie besig aan daardie deel en ‘n gemaal van mense en jy moet vroeg gaan as jy wil kry wat jy wil he.
- on 13/09/2020 at 10:26 Dr Christa van Staden
  
  Hier is ook straatmarkte wanneer strate toegemaak word, maar net sekere tye van die jaar. Met sekere feeste. Soos die heuningfees. Asseblief, ek is nuuskierig.
- on 13/09/2020 at 14:16 Nikita
  
  Ek sal so maak wanneer ons weer daardie rigting gaan. 🙂
on 13/09/2020 at 01:50 Dr Christa van Staden

Ek hou baie van jou uile! sou dit beslis ook wou koop. Sag en spesiaal.
- on 13/09/2020 at 09:44 Nikita
  
  Ek het hulle vir my klas gekoop. Ek het ‘n baie mooi een ook in my klas, ‘n baie spesiale een – mooi materiaal en pragtig opgestop en hierdie familie gaan daardie een nou geselskap hou. 🙂 Een kollega het selfs vir my eendag ‘n uil-sleutelhouer gekoop toe sy dit sien omdat sy weet ek hou so van hulle.
- on 13/09/2020 at 10:27 Dr Christa van Staden
  
  Dit is vir my baie spesiaal as mens se kollegas jou met goed beferf omdat hulle weet dat jy daarvan hou.
- on 13/09/2020 at 14:17 Nikita
  
  Dis waar – baie bedagsaam van iemand.
- on 13/09/2020 at 15:10 Dr Christa van Staden
  
  Ek het sulke mense hier in Kazakhstan ontmoet.
- on 17/09/2020 at 18:01 Nikita
  
  Dis wonderlik en bly vir jou. Mens het sulke mense nodig.
- on 18/09/2020 at 01:47 Dr Christa van Staden
  
  Beslis, die lewe is vaal sonder hulle.
on 15/09/2020 at 22:19 jameshigham

Uile met hul nagsigbril.
- on 17/09/2020 at 18:01 Nikita
  
  Hi James! I love your Afrikaans and it’s spot-on! I guess you used Google. 🙂
- on 17/09/2020 at 18:36 jameshigham
  
  Nou ja maar ek ken ook twee Afrikaanssprekendes.
- on 17/09/2020 at 18:58 Nikita
  
  Okay! Nou klink jy baie Afrikaans! 🙂 Nou kan ek meer net Afrikaans blog en jy sal dit verstaan?
on 17/09/2020 at 19:20 jameshigham

Nie regtig nie. My vriend wat dit praat, sê ek het geen idiomatiese of omgangstaal kennis van Afrikaans nie. Vergewe hom, Suid-Afrikaners kan stomp wees. Hy het voorgestel dat ek ‘ja well no fine’ gaan gebruik. Sal u dit aanraai? 🙂
- on 17/09/2020 at 19:37 Nikita
  
  Ha-ha… ek het natuurlik so gedink! Suid-Afrikaners is nie stomp nie, ons se wat ons se en ons kry klaar wat ons se. Ons draai nie doekies om nie – se dit soos dit is. LOL. Ek stem saam met jou vriend, speel dit veilig en se net in kort: ‘Ja well of No, Fine.’ 🙂
on 20/09/2020 at 20:40 Toortsie

Mooi kleurvol. 😁
on 20/09/2020 at 20:40 Toortsie

Jy skryf min deesdae, of mis ek dit dalk?
- on 21/09/2020 at 18:02 Nikita
  
  Hi Toortsie, Ek is te besig op die oomblik, skole is weer aan die gang, ons het die afgelope week toetse gemerk tot ons behoorlik BLOU in die gesig is – en nou die analisering daarvan die week – om te sien watter ‘gaps’ die kinders opgedoen het gedurende die ‘lockdown’ en om te weet waar moet ons al die ‘gate’ vul! Nou is dit ook lesplanne van AL die vakke, want (soos gewoonlik) kry ek ‘n kollega wat NIKS weet nie, van begin af leer hoe om te teach omdat sy voorheen ‘n Teaching Assistant was en daarom moet ek dan (soos die slaaf altyd) ALLES doen, want ek kan net mooi niks van haar verwag nie. Dit sluit ALLe vakke in, want hier teach jy mos AL die vakke in die laerskool. So, groet my nou, ek weet nie of ek ooit weer sal kan opstaan om te blog nie. 🙂
- on 21/09/2020 at 20:32 Toortsie
  
  Sterkte. Dis al wat ek kan sê. Ons vertrou dit gaan weer beter raak.
on 21/09/2020 at 23:00 Nikita

Dankie, Toorts! Dit het seker geklink na ‘n diep geklae, maar ek dink ek voel ook beter na dit! haha