Image: http://iasos.com/artists/annenberg/sell.html
Do yourself a favour and visit the artist’s site to see the complete image. The link will open in a new window.
This is an Afrikaans poem I tried to write, you can slide down and listen to Any Williams. Ja, ek sê ‘probeer’ omdat ek nie voel dat ek heeltemal geslaagd was nie, maar gee maar jou opinie – wat dit ookal mag wees. Onthou ook: EK is NIE ‘n professionele digter nie. Ek *probeer* om ‘n paar woorde bymekaar te sit en hoop dit maak sin. As jy ‘n digter is, kyk asb met *ander* oë na hierdie ‘samevoegsel’ van woorde!
Geniet Andy Williams se Love Story!
Aksioom
(stelling wat waar is sonder bewyse)
My beleë gedagtes
het danig met ‘n pyl
die dampkring om ons
huiwerig binnegedring
Afsydig het jy die die buikgord
van jou hart buitengewoon
ingetrek en daarmee saam
die sfeer om ons vernou
Balhorig het ek met woorde
jou gebombardeer
besimpeld-besluiteloos
het jy die dekmantel
gelig en stadig begin delf
in ‘n argaïese verlede
Domastrant en diktatoriaal
het jy ondersoekend erken:
‘n dilemma… en aanvaar jy
aanspreeklikheid as skipper
en red die breukeling
Selfversekerd en delikaat
het jy my gedagtes omvou
lugleegtes doodgelag en
doodluiters my hart bedraad.
-Nikita-17/5/09
Andy Williams: Love Story
Chessalee 
what rich colors and no-non sense paintings.
hi norrbu! yes, colourful and very detailed.
Om ‘n Maandag so te begin is magical, dis nog donker buite, en die wêreld slaap nog. Al my favourite goed, poems, musiek en kuns….
“Selfversekerd en delikaat
het jy my gedagtes omvou
lugleegtes doodgelag en
doodluiters my hart bedraad!”
Ek dink dis ‘n baie mooi poem van jou, maar dit help nie ek sê dit nie, ‘n digter is ‘n snaakse spesie, hulle wil hul gedagtes perfek op papier neerpen, en my gedagtes is nie joune. Die laaste vers is veral vir my treffend, ekke is maar ‘n romantiese soul!! 😛
Andrew Annenberg skilder darem vreeslik mooi Nikita, hierdie Enchanted beloved is baie mooi, my gunsteling is egter “Venus Triumphant” maar teen 41 000 dollars sal ek maar net kan bewonder!!! 😯
Dankie, Lovestory – een van die mooiste songs nog ooit!
Lekker week
x x
Hi Wipneus! Sjoe, ek het nog geslaap toe jy hier geskryf het! 😯 Dankie vir jou kommentaar, ek’s ook een vir die romantiese sy! 🙂 Ek hou ook van daardie Venus en daardie prys is nie min nie hoor! Lovestory is darem pragtig gesing deur Andy! Lekker week vir jou ook!
Ek dink ook dis ‘n mooi gedig, niks fout daarmee nie. Ek hou veral van “lugleegtes doodgelag”. “Balhorig het ek met woorde jou gebombardeer” laat my weer dink aan Lucas Maree se liedjie (Weer ‘n Keer, dink ek is die naam) waarin hy sê: Die stilte is jou wapen, waarmee jy my ignoreer, maar ek verkies die kletter, van ‘n woordeboekgeweer!
Die liedjie, een van my gunstelinge gesing deur een van my gunstelingsangers.
Dankie Kop! Ek sit en lees die ding al ‘n paar dae, maar kan nie sien waar om te verander nie, hy’s seker maar OK so. My probleem is, ek kry bevliegings en dis in daardie bevlieging dat ek sit en skryf en dan wil ek altyd later verander. Gelukkig verander ek bitter min. Ek was net onlangs vies, ek het ‘n hele gedig (afrikaans) in my kop gehad, nie pen en papier naby gehad om neer te pen nie, ek het gedink ek sal onthou, maar nee, daardie woorde is uit my kop weg! Ek moet dadelik sit en skryf en dan rol die woorde net uit, ek kan nie lank sit en dink nie, ek het net nie daardie geduld nie en as ek eers moet sit en dink wat om te skryf, kan ek maar weet dis ‘n floppie! 🙂 O ja, ek ken nie die liedjie waarvan jy praat nie, sou graag wou hoor! Ek hou nogal van Lucas Maree, maar het niks van hom nie! 😦