Die Berggans het ‘n veer laat val

Stem vir Afrikaans — Vote for Afrikaans »

Die Berggans het ‘n veer laat val

29/09/2008 by Nikita

Boerneef

Die berggans het ’n veer laat val
van die hoogste krans by Woeperdal
my hart staan tuit al meer en meer
ek stuur vir jou die berggansveer
mits dese wil ek vir jou sê
hoe diep my liefde vir jou lê

Images:noila.latsi.de

The translation in Dutch…on the link you will find more Afrikaans poems translated into Dutch.
De berggans heeft een veer laten vallen
Van de hoogste rots bij Wuppertal
Mijn hartje slaat al meer en meet
Ik stuur naar jou die berggansveer
Hierbij verklaar ik je gewis
hoe diep mijn liefde voor je is.

Boerneef (1897 – 1967)

Klik HIER vir meer Nederlandse gedigte – Afrikaans vertaal in Nederlands.

Wupperthal, South Africa

Boerneef: Die berggans het ‘n veer laat val

Bateleur – photo: Treknature- copyright: Andrea Piazza

25/3/2012 – ‘Dok’ het in die kommentaarboksie vir ons ‘n boodskap gelos oor die Bateleur/Berghaan. Ek dink Boerneef het eintlik bedoel dat dit ‘n berggans is en nie berghaan/bateleur nie. Ek plaas ook die boek hier – van Amazon – met die korrekte titel.

C.M. van den Heever (1902-1957)

Die vertrekkende wildeganse

Tot aan die ruigte-gladde waterkant
verglans die son se skuinse middagvuur,
om trillend oor die watervlak
in hierdie teer vertwyfelingsuur
’n oogwenk nog te duur –
’n oogwenk tot ’n vlerkgeklapper ruis,
die water, ru verras, sy rimpels plooi,
en swart figure oor die wye spieël
onrustige skaduwees gooi.
Dan uit die donker vleie styg
met hees geskreeu die pikswart ry,
en oor die rustig-diepe kuile reis
die ganse met hul heimweeroep verby,
verby na verre lugte waar die vuur
van weggekwynde sonlig
’n oogwenk bang nog duur …
al kleiner word die swart gedaantes,
en verder sterf die heimweeroep
die verre kimme oor,
en langs die wye land die hemele in
raak stil die ry met hul geskreeu verloor.

Posted in Afrikaans, Afrikaans poems, Afrikaans poetry, Afrikaanse gedigte, Afrikaanse taal, berggans, Boerneef, C M van den Heever, Die Berggans het 'n veer laat val, Die vertrekkende wildeganse, gedigte, liefdes gedigte, Nederlands | Tagged Afrikaans, Afrikaanse gedigte, Afrikaanse Taal, berggans, Boerneef, C M van den Heever, Die Berggans het 'n veer laat val, Die vertrekkende wildeganse, gedigte, liefdes gedigte, Nederlands, Wupperthal | 17 Comments

17 Responses

on 30/09/2008 at 03:57 eilandkind

aah, mooi Afrikaanse woorde.
on 30/09/2008 at 07:13 Nikita

Ek’s gek oor hierdie Berggans, so eenvoudig, maar se dit so mooi!
on 30/09/2008 at 08:14 Wipneus!

Bly maar ‘n gunsteling!

Nikita Osterley Park is vreeslik mooi! Ek is gek oor die foto’s wat jy daar geneem het!
Ai ek wens ek het so mooi park naby my gehad!
on 30/09/2008 at 14:40 boerinballingskap

Een van die mooiste gedigte – thanks!
on 30/09/2008 at 15:56 Pikkelik

Dis pragtig en ook een van my gunstelinge…. Lekker week verder…
on 30/09/2008 at 17:15 mykopop

Nou wat ‘n toeval! Ek het net gisteraand ‘n inskrywinkie gemaak oor Wium van Zyl se digbundel Oggendvuur wat ek laas week gelees het. Hierdie boek, waarvan jy die voorblad wys, is saamgestel deur Wium van Zyl en hy het sy M.A. oor Boerneef se digkuns geskryf.

Die besondere gediggie word ook gesing, ek is nie seker of ek iewers ‘n opname het nie…. Ja, ek het, op die CD Makie Mooigoed Staan, toonsetting deur Pieter de Villiers.
on 30/09/2008 at 19:25 annerkant

Die liefde is inspirasie vir besondere woorde en musiek! 🙂
on 01/10/2008 at 07:31 Nikita

hi boer/Pikkelik…bly julle het dit ook geniet.
hi mykop…is dit nou ‘n kwessie van “great minds…” 🙂
hi annerkant…ek het agterkom daar is nogal heelwat “ou” Afrikaanse gedigte wat getoonset word/is, ek weet nie of dit “ek” is wat “agter” is nie/en of dit al lankal gedoen was nie 🙂 dit maak my net opgewonde/bly as dit gebeur, dan weet ek die gedigte gaan nog in die “geslagte” bly…
O ja! Wipneus..ja, daardie park is mooi en hy het ‘n stukkie “geskiedenis” ook EN hy is in die Beatrix Potter film gebruik…die ou huis/museum wat daar is. Op die link kan jy die ou huis mooi sien….as jy op “gallery” kliek kan jy foto’s van binne sien!

http://www.nationaltrust.org.uk/main/w-osterleypark
on 20/02/2011 at 13:15 Renza

Sooo mooi!
on 20/02/2011 at 19:08 Nikita

hi Renza, Welkom en dankie, ek is bly jy voel dieselfde 🙂
on 25/03/2012 at 08:53 Dok

‘n berghaan is nie ‘n eend nie. Dit is ‘n arend (Bateleur).
on 25/03/2012 at 11:19 Nikita

Hi Dok, Welkom hier op my blog. Ek dink Boerneef het bedoel dat dit ‘n ‘berggans’ is en nie berghaan/bateleur nie. Ek het die boekomslag deur Wium van Zyl – gekry by Amazon – ook hier geplaas met die titel. Dankie vir jou besoek, doen gerus weer hier aan.
on 23/04/2012 at 16:58 Luc

Stem saam met dok, so is ek ook geleer deur my dad.
- on 23/04/2012 at 18:45 Nikita
  
  Hi Luc, Welkom op my blog en dankie vir die boodskap. ‘n Berghaan is ‘n Bateleur, ek stem saam. Maar my vraag: Het Boerneef geskryf: Berghaan of Berggans? As hy ‘berggans’ geskryf het, het hy daarmee bedoel:Berghaan?
  
  Kyk hierna vir ‘n berggans:
  http://www.argief.litnet.co.za/cgi-bin/giga.cgi?cmd=cause_dir_news_item&cause_id=1270&news_id=51486
  
  en hier ook:
  http://www.nationalgeographic.nl/community/serie/bekijken/india-himalaya-2008/berggans-in-de-himalaya
  en berghaan
  http://af.wikipedia.org/wiki/Berghaan
  
  Boerneef se gedig-titel heet: Die berggans…..
on 29/07/2012 at 20:01 2 Days, 10 Passes – 7. Kouberg Pass | Goandstay – Photo Gallery

[…] Source: This entry was posted in Cederberg, Uncategorized by Pietmar. Bookmark the permalink. […]
on 21/10/2012 at 20:33 Piet Uys

Maak dit enigsins saak of die veer van ‘n berghaan of berggans is? Dis ‘n verklaring van verlange en liefde…..al was dit ook ‘n hoenderveer.
- on 21/10/2012 at 20:45 Nikita
  
  Hi Piet! Welkom op my blog. Ek stem! ‘n veer is ‘n veer is ‘n veer is ‘n veer is ‘n veer…