Kyk dis September weer!

01/09/2008 by Nikita

Image: dailymail.co.uk

In South Africa, today it’s the first day of Spring! Everybody in South Africa…ENJOY SPRING!! I’ve got a couple of our wonderful poems that can be sung too and they’re all about Spring…there’s many more, but these are some of my favourites. I’ve got the audio file of the last one (instrumental only) and I hope you enjoy it!

DIS HEERLIKE LENTE

Woorde: THEO W. JANDRELL en G.G. CILLIÉ
Musiek: Wysie uit die Alpe; verwerk: G.G. CILLIÉ

Dis heerlike lente, die winter’s verby;

weer nooi berg’ en klowe vir jou en vir my.

Hol-la-dri-o-ha, hol-la-dri-o. Hol-la-dri-o-ha, hol-la-dri-o!
Die bergklim is heerlik, dit hou mens gesond.

Die vroe-, vroeë môre het goud in die mond.

Hol-la-dri-o-ha, hol-la-dri-o. Hol-la-dri-o-ha, hol-la-dri-o!

AL DIE VELD IS VROLIK

Woorde: C. LOUIS LEIPOLDT
Musiek: J. WEBER; verwerk: PIETER DE VILLIERS

Al die veld is vrolik; al die voëltjies sing;
al die kriekies kriek daarbuit’; elke sprinkaan spring.
Al die koggelmannetjies kom om fees te vier;
hier galop ‘n goggatjie, daarso dans ‘n mier.

[KOOR]
Nou gaan die kinders draai, nou gaan hul speel!
Kom Sus, gee handjie! Almal moet draai!
Boet gee ook handjie! Nou gaan ons swaai–
dis tog so prettig! Wie dans met my?
Al in die rondte, vrolik en bly!
Kom Sus, gee handjie! Almal moet draai!
Boet gee ook handjie! Nou gaan ons swaai–
dis tog so prettig! Wie dans met my?
Al in die rondte, vrolik en bly!

Selfs die vissies spartel teen die kafferskuil;
in die groot ou eikeboom droom ‘n oupa-uil.
Oral in Karooland is ‘n ruik versprei:
boegoeblom en appelkoos–kan jy beter kry?

Bind vir my tesame katjiepiering wit,
bobbejaantjies blou en bont, rose in gelid,
varings van die klippe, oral, ai só mooi,
rooi kalkoentjies uit die vlei–blomme uitgestrooi.

Vrolik is die wêreld, vrolik rant en vlei!
Elke koggelmannetjie het sy maat gekry.
Elke gons’rig’ goggatjie is getroud of vry:
vrolik is die wêreld hier, vrolik veld en vlei!

KYK, DIS SEPTEMBER WEER

Woorde: C.G.S. DE VILLIERS
Musiek: Italiaanse melodie; verwerk: CHRIS LAMPRECHT

[2x]
Kyk, dis September weer; laat al die vure brand!
Dan hou ons weer ‘n keer braaivleis doer by die strand.

[REFREIN]
Laat alle boeke tuis, laat sorge agterbly;
Jeug en lentetyd gaan snel verby, ja, hulle gaan verby.
Laat alle boeke tuis, laat sorge agterbly;
Jeug en lentetyd gaan snel verby, gaan snel verby.

[2x]
Lente is oral weer, blou branders aan die strand,
velde vol blommefleur; knoop nou die liefdesband.

Meer Volksliedere wat jy kan aflaai op hierdie link! Kliek op die musieknoot vir die musiek en op die liedjie-naam vir die woorde. Dit is almal midi-leêrs wat jy lag-lag kan omskakel in ‘n MP3! en ek plaas nog ‘n gedig van Leipoldt…wat ek op Laerskool moes leer! Pragtige gedig…Die Beste!

update: 1/9/2013 – Gelukkig het blerkas net geskuif na ‘n nuwe link, die ou link het ‘verdwyn’.

http://esl.ee.sun.ac.za/~lochner/blerkas/

Die Beste

Geil lusern in die laagste landjie,
geil groen blare en blomme blou;
aalwyn rooi op die voorste randjie,
rooi soos bloed teen die rotse grou;
somer en son en saffier daarbowe,
ruik van die keurbos rondgesprei;
kort klein skaduwees oor die klowe;
somer en son en saffier vir my !
Wonder van kleure uitgesprei –
wat is daar meer die dood te rowe ?
Somer en son en saffier vir my !

C. Louis Leipoldt

Posted in Afrikaans poems, C Louis Leipoldt, Dis heerlike lente, gedigte, gedigte oor die Lente, gedigte oor Seisoene, Kyk dis September weer, Lente, poems, Poetry, South Africa, Spring, Suid-Afrikaanse gedigte, Theo Jandrell | Tagged Afrikaans, Afrikaans culture, Afrikaans folksongs, Afrikaans poems, Afrikaanse gedigte, Afrikaanse kultuur, Afrikaanse Volksliedere, C Louis Leipoldt, CGS De Villiers, Die Beste, Dis heerlike Lente Lirieke, Dis heerlike Lente lyrics, gedigte, Gedigte oor Lente, gedigte oor Seisoene, Leipoldt gedigte, Lente, seisoene, September, Spring, Theo Jandrell, Volksliedere | 7 Comments

7 Responses

on 01/09/2008 at 15:03 Wipneus!

Dis heerlike lente, die winter’s verby ……. 😆
Die wind het darem gaan lê!
on 02/09/2008 at 12:45 Reisiger

Jip, dis heerlike lente en Reisiger werk bietjie in die tuin! Hehehe… Dit op sigself kan sorg vir ‘n donderstorm of twee!!

Ek onthou hierdie liedjies nog uit my ma se FAK-sangbundel waaruit ek kleintyd gespeel het.
on 02/09/2008 at 12:58 Nikita

hi Wipneus! bly die wind is stil! ek ken daardie Augustus-winde…hulle is wild!

Hi Reisiger…Ek kan net dink hoe lekker dit is! ja, daardie liedjies het ook in my kop vasgesteek!
on 02/09/2008 at 14:22 eilandkind

Ons kry so baie reen vandag, dis sommer donker en papnat. Ek moet maar gou skryf, ons internet en krag gaan mos sommer maklik, maklik af!
Jong, ek moes lag oor jou ‘raas’ kry oor jy op die rekenaar is, dit gaan hier ook so soms… 🙂
on 02/09/2008 at 15:42 Nikita

hi Eilandkind, dieselfde hier, reenerig die hele dag, so pas terug en die reen het bietjie bedaar. ja, die “raas” help ook nie veel die kant nie, ek weet nie by jou nie! lol!
on 03/09/2008 at 08:18 Jasper

Dankie vir die skakel Nikita. Ek is lankal op soek na ‘n plekkie om volksliedjies te gaan besigtig. Die kultuur bly darm maar mooi.
on 03/09/2008 at 08:39 Nikita

hi Jasper! Dis ‘n plesier! Daardie link is net wat jy nodig gehad het!