Al die veld is vrolik

23/04/2008 by Nikita

P2190017

For English readers… this is a short Afrikaans song about Spring and the second song/poem is about the little mini-beasts, birds, children and even the small plants are happy…they all want to dance and sing and play…

DIS HEERLIKE LENTE

Woorde: THEO W. JANDRELL en G.G. CILLIÉ
Musiek: Wysie uit die Alpe; verwerk: G.G. CILLIÉ

Dis heerlike lente, die winter’s verby;

weer nooi berg’ en klowe vir jou en vir my.

Hol-la-dri-o-ha, hol-la-dri-o. Hol-la-dri-o-ha, hol-la-dri-o!
Die bergklim is heerlik, dit hou mens gesond.

Die vroe-, vroeë môre het goud in die mond.

Hol-la-dri-o-ha, hol-la-dri-o. Hol-la-dri-o-ha, hol-la-dri-o!

AL DIE VELD IS VROLIK

Woorde: C. LOUIS LEIPOLDT
Musiek: J. WEBER; verwerk: PIETER DE VILLIERS

Al die veld is vrolik; al die voëltjies sing;
al die kriekies kriek daarbuit’; elke sprinkaan spring.
Al die koggelmannetjies kom om fees te vier;
hier galop ‘n goggatjie, daarso dans ‘n mier.

[KOOR]
Nou gaan die kinders draai, nou gaan hul speel!
Kom Sus, gee handjie! Almal moet draai!
Boet gee ook handjie! Nou gaan ons swaai–
dis tog so prettig! Wie dans met my?
Al in die rondte, vrolik en bly!
Kom Sus, gee handjie! Almal moet draai!
Boet gee ook handjie! Nou gaan ons swaai–
dis tog so prettig! Wie dans met my?
Al in die rondte, vrolik en bly!

Selfs die vissies spartel teen die kafferskuil;
in die groot ou eikeboom droom ‘n oupa-uil.
Oral in Karooland is ‘n ruik versprei:
boegoeblom en appelkoos–kan jy beter kry?

Bind vir my tesame katjiepiering wit,
bobbejaantjies blou en bont, rose in gelid,
varings van die klippe, oral, ai só mooi,
rooi kalkoentjies uit die vlei–blomme uitgestrooi.

Vrolik is die wêreld, vrolik rant en vlei!
Elke koggelmannetjie het sy maat gekry.
Elke gons’rig’ goggatjie is getroud of vry:
vrolik is die wêreld hier, vrolik veld en vlei!

Kry AL daardie liedjies wat jy nooit kan onthou nie, se woorde op hierdie link!

Die foto’s is geneem so 3min se stap van ons huis af. Moenie dat die weer jou flous nie, dit het gesous gedurende die oggend. Die foto’s is om en by 5:15 nm geneem.

Update 1/9/2013 : Ek was net bly om te sien dat die link met die musiek [blerkas] net geskuif het en nie verdwyn het – soos die oorspronklike link.

http://esl.ee.sun.ac.za/~lochner/blerkas/

Posted in Afrikaans traditional songs, Afrikaanse tradisionele liedjies, music, poems, Poetry, South Africa | Tagged Afrikaans, Afrikaans poetry, Afrikaans songs, Afrikaanse gedigte, Afrikaanse liedjies, Afrikaanse tradisionele liedjies, Al die veld is vrolik, Dis heerlike lente, Lente, Natuur, Poetry, seisoene, Spring, Spring photos, traditional songs Afrikaans | 8 Comments

8 Responses

on 24/05/2009 at 19:28 Heila

Baie dankie vir die woorde van Al Die Veld Is Vrolik. My oorlede pa het dit altyd vir ong gesing toe ons klien was.
Heila in San Francisco
on 24/05/2009 at 20:21 Nikita

hi Heila!
Welkom hier, bly jy het dit geniet, dit is ‘n groot plesier! Ek het die liedjie op laerskool gesing en altyd geniet!
on 01/09/2012 at 05:03 Johnny Fusion

Alte pragtig pure genot
- on 01/09/2012 at 09:36 Nikita
  
  Hi Johnny, Welkom hier op my blog, dankie vir boodskap. Dit klink asof jy die gedig weer geniet het. 🙂
on 27/09/2013 at 10:48 Sophie

Al die pragtige Afrikaanse liedtjies maak n mens bewoe, my suster en ek het in die aand as ons die skottelgoed moes was, Dis heerlike lente en al die veld is vrolik gesing.. baie ander liedtjies ook maar dit was ons gunstelinge.
on 05/07/2014 at 11:21 isabel

baie dankie.ek het al gedink ek het my seker verbeel daar is so n liedjie.waardeer dit baie
on 26/10/2019 at 06:32 Brenda Theron

Die eerste somer reën het so pas begin val. Ek het “Al die veld is vrolik” begin sing vir my klein dogter. So bly ek kon al die woorde op hierdie link kry.
- on 26/10/2019 at 19:46 Nikita
  
  Hi Brenda, Ek is bly ek kon dit vir jou he. 🙂 Ek glo sy het dit geniet.